ورق عنب على الطريقه الفلسطينيه *بس بالخضرا مو باللحمه**

انساتي سادتي اتمنى من خضراتكم اليوم مشاركتي بوجبتي اللتي اموووووت عليها وبخاصه انها بدون(اللحمه)مش اتقولوا لحد
يللا على مطابخكم وشمروا عن ايديكم وابدوا بالتلاجه
المقادير:
كيلو ورق عنب مسلوق
2/1 رز منقوع
2 فلفل اخضر/احمر/اصفر/برتقالي اي لون
بقدونس مفروم
حامضه
ملح
3 بطاطا/بطاطس
3 بندورة/طماطم
3 ملاعق زيت زيتون
ملعقه كبيره رب البندورة
شطه متوسطه الحرقه
بصله كبيره
الطريقه(((((((((ماتخافي كلها فرم بلف)))))))))))
افرمي البصل, الفلفله,البندروه الي قطع صغير يعني زيي السلطه
بتخلطي البصل,البقدونس المفروم,البندورة,الفليفله مع بعض وبتحطي زيت الزيتون,رشه ملح ورشه حامض وملعقه رب البندورة مع بعض وبتضيفي طبعا الشطه حسب مابتفضلي
حطي الرز المنقوع مع الخضرا وحركيهم مع بعض
واخر شي لفي الورق وانتي ع التلفزيون او قاعده مع جاراتك
قطعي البطاطا الى حلقات وضعي قسم في اسفل الطنجره وفوقوا الورق وبعدين قسم تاني من البطاطا وفوقو الورق واخر قسم من البطاطا.وبعدين بتحطي الطنجره ع النار ليستووا
واخر خطوه قبل ما تشيلي الورق من على النار رشي شويه ملح وعصره حامض على الوجه
وقدميه بارد وانشالله اكون ماغلبتكم وما عذبتكم
وادعولي